Shaampiyoonsi Liigii Awurooppaan PSGn xummuraaf darbe. OFM:Caamsaa.08/2025PSG’n Arsenaal injifachuun xummuraa Waancaa Shaampiyoonsi liigii Awurooppaaf gahe. Tapha deebii Walakkaa xumuraa Shaampiyoonsi Liigii Awurooppaa har’a taphatameen PSGn Arsenaal injifachuun xummuraaf darbe. Tapha har’a Paark des Priinsisitti taasifameen PSG’n Arsenaal 2-1’n injifachuun qabxii waliigalaa 3-1’n xummuraaf gahuu danda’eera. PSG’n tapha xummuraas Intermiilaan waliin magaalaa Muuniik Istaadiyeemii Aliyaanz Areenaa irratti taasisa. PSG’n bara 2020 Baayer Muuniik waliin xummuraaf dhaqqabus, waancaa dhabuun isaa ni yaadatama.