Ameerikaan yoo Raashiyaan dhukaasa dhaabuuf walii galuu baatte marii keessaa akka of baaftu beeysifte.

OFM:Caamsaa.31/2025-US Raashiyaan dhukaasa dhaabuuf walii galuu yoo hin fudhanne, marii keessaa akka of baaftu beeysifteetti.

Ameerikaan Raashiyaan yeroo guyyoota 30f murtaa’e yoo hin guunne qoqqobbii irra kaa’a jettees akeekkachiifteetti.

Donaald Tiraamp Puutiin dhukaasa dhaabuu Yukireen irratti murtee isaanii akka murteessan torban lama kennaniiru.

Tiraamp fi Puutiin erga marii bilbilaan taasisanii booda Raashiyaan wixinee waliigaltee dhiyeessuu dhabuun isii, Ameerikaan akka kutannoo dhabuu agarsiisutti ilaalameera.

Kremlin gama isaatiin marii nagaa wiixata dhufa Istaanbul keessatti gaggeeffamuuf deebii Yukireen kennitu hawwii guddaan eeggataa akka jiru ibseera.

Akkasumas, Yukireen marii nagaa marsaa lammaffaa affeeramteef hanga ammaatti deebii akka hin kennine ‘Sky News’ gabaaseera.

Comments (0)

Your email address will not be published. Required fields are marked *