Naayijeeriyaatti lakkoofsi namoota balaa lolaa roobaa muudateen lubbuun darban 700tti akka siqan himame. OFM:Waxabajjii.02/2025- Rooba cimaa Kamisa darbe Naayijeeriyaa, magaalaa Mookaawaatti roobee lolaa hamaa uumeen, baay’inni namoota du’anii 200 ol ta’u jedhamee turus wayita ammaa 700 gahuu akka hin oolle himameera jedha BBC’n. Bulchaan naannoo Mookaawaa Obbo Muhammadu Aliyyuu akka jedhanitti, tatamsa’ina dhibee daddarbaa ittisuuf namoota balaa lolaa Kanaan awwaalaman qotanii baasuudhaan yeroo dhihootti sirni awwaalchaa raawwachuun kan jalqabamu tahuusaati. Jiddu-galeessa Niijarittis rooba cimaadhaan balaa lolaa muudateen namoonni 500 ammallee achi buuteen isaanii kan dhabame tahuun ibamee jira.