Ameerikaan walitti bu’iinsa Israa’elii fi Iraan jidduu seente taanan balaa ol’aanaan uumamuu danda’a jedhan Dursaan Iraan

OFM:Waxabajjii.18/2025-Walitti bu’iinsa Israa’elii fi Iraan jidduutti gaggeeffamu keessatti Ameerikaan hirmaannaa waraanaa taasiifte taanaan balaa ol’aanaan uumamuu danda’a jedhan Hogganaan Iraan Ayaatoolaahii Alii Hamiiniin.

Pireezdaantiin Ameerikaa Iraan saffisaan akka harka laattu yaadachiisuu hordofee Hogganaan biyyattii Ayaatoolaahii Aliin Hamiiniin Iraan salphaatti harka kan laattu akka hin taane yaadachiisan .

Walitti bu’iinsa Israa’elii fi Iraan guyyaa 6ffaa qabateen misaa’eelonni baalaastikaa 400 gara Israa’eelitti dhukaafamuun bu’uuraalee misoomaa magaaloota Teel Aaviivi fi Haayifitti argamanirra miidhaan dhaqqabeera.

Israa’el gama isheen haleellaa qilleensarraa fudhatteen buufata Niwuukilaaraa Iraan dabalatee dhaabbilee murteessoo biyyatti barbaadessuu itti fufteerti.

Walitti bu’iinsi biyyoota lameenii jiraattoota Teehraanii fi Teel Aaviivitti sodaa ol’aanaa uumeera.

Comments (0)

Your email address will not be published. Required fields are marked *