Feestivaalii Ispoortii Oromoo Kaaba Ameerikaa (OSFNA) bara kanaatiif, qophiin bal’aan taasifamuu koree qindeessituu beeysise.
OFM:Adoolessa.10/2025-OSFNA’n bara kanaa Adoolessa 26 hanga Hagayya 2 bara 2025tti Siyaatilitti adeemsifama.
Feestivaalii Egeree OSFNA Waliin Haa Ijaarru jedhuun adeemaifamu kana irratti uummata Oromoo heddumminaan keessummeessuun bifa addaa fi miidhagaa ta’een sagantichi adeemsifamuuf qophii bal’aan kan taasifame tahuu koreen sagantichaa ibse.
Warri qooda fudhatu gamanumaa itti qophaahuu akka qabu yaadachiisee, Oromoon sirna isaa kana irratti argamuun ispoortii qophaa osoo hin taane Oromoo fi Oromummaa addunyaatti agarsiisuuf gahee ol’aanaa akka qabu himee jira.
Feestivaalii Ispoortii Oromoo Kaaba Ameerikaa(OSFNA) baranaa irratti gareewwan 32 dorgommii irratti hirmaatu jedhameera.