Gamtaan Awurooppaa Puutiin Waraana Addunyaa Sadaffaa labsuu danda’u sodaa jedhuun nyaata, bishaanii fi qoricha kuusuu eegale!
OFM:Adoolessa.11/2025-Gamtaan Awurooppaa Puutiin waggoota shan keessatti weerara jalqabuu danda’u yaaddoo jedhu qaba.
Gamtaan Awurooppaa meeshaalee bu’uuraa kanneen akka nyaataa, bishaan, boba’aa fi qoricha kuusuu eegaluu isaa, Puutiin Awurooppaa weeraruu danda’a jedhamee sodaa uumameen beeysise.
Gamtaan Awurooppaa tarkaanfii akkanaa kan fudhataa jiru hogganaan Raashiyaa waggoota shan keessatti weerara banuu danda’a jedhee waan sodaateef.
Komishinarri Hoggansa Rakkoo Gamtaa Awurooppaa Hajjaa Lahbib akka jedhanitti, nuhi tarkaanfii kana fudhannee hawaasa keenna tiksuufi jedhan.
Qophaa’aa akkuma jirru hagas mara hin rakkannu jechuun cimsanii dubbataniiru.
Gamtaan Awurooppaas rakkoolee muudachuu danda’an kanneen akka ciccitiinsa ibsaa, balaa uumamaa, walitti bu’iinsa ykn weerara muudachuu danda’u tilmaamuun murtee kana hojiirra oolchuuf karoorfateera jedhan Hajjaa Lahbib.
Sadarkaan qophii biyyoota Gamtaa Awurooppaa jidduutti garaagarummaa qaba; Keessattuu Raashiyaatti dhiyeenna ykn barbaachisummaa isaa irratti hundaa’a.
Gamtaa Awurooppaatti daangaa bahaa kan akka Finlaand Biyyoonni miseensa
dhiibbaa Moskoo jala jiran walitti bu’iinsa uumamuu malu irratti, dursa qophiin
dammaqinaan hojjetameera jechuun Lahbib dubbataniiru.