Maanguddoon waggaa 92 kan ta’an filannoo pireezidaantummaaf qophaa’uu ibsan.
OFM:Adooleessa.14/2025-Lammiin Kaameruun maanguddoon umrii 92 Paawul Biyaa filannoo pireezidaantummaa Kaameruun yeroo itti aanuu gaggeeffamu irratti akka dorgoman ibsaniiru.
Maanguddichi bara faranjootaa 1982 irraa eegalee Kaameruuniin pireezidaantummaan
gaggeessaa kan jiran yoo ta’u, ammas marsaa 8ffaaf kaadhimamaa ta’uu ibsaniiru.
Paawul Biyaa aangoof dorgomuu caalaa yeroo addunyaan qormaata keessa jirtutti biyya kiyya bayyanachiisuun waan narra jiraatuuf dorgomuun dirqama natti ta’a jedhaniiru.
Filannoon pireezidaantummaa Kaameruun baatii Onkoloolessa dhufuu keessa kan gaggeeffamu yoo ta’u paartileen siyaasaa 5 akka dorgoman ‘Sputnik Afrika’ti gabaaseera.