Tigraayitti Gogiinsi mul’ate Horii kuma hedduu galaafate.

OFM:Hagayya.03/2025-Gogiinsi Naannoo Tigraayi Jiddu galeessaa gammoojjii Timbiyeenitti torbee kana muudataa jiru rakkoo nagaa naannicha jirutti dabalata haala hammaataa fidaa jiraachuun himame.

Gammoojjiin Timbeeyin ganda Yaaqer keessatti qofa, horiiwwan manaa kuma kudha saddeetii ol du’uu, akkasuma lafti qonnaa hektaarra dhibbootatti tilmaamamus sababa hanqina roobaa sanyiin osoo irra hin faca’in hafee jira.

Obbo Gooyitom Gabrahawaariyaa, dursaan dhimma diinagdee Godinichaa sababa gogiinsa kanaa loon 184, harreewwan 900, hoolaa 4500, re’ee 13,000 fi kanniisni gaagura 200 du’uu ifoomsaniiru.

Ammas haawwan, daa’immanii fi jaarrolee irratti mallattoon hanqina midhaan nyaataa mul’ataa jira kan jedhan Obbo Gooyitom, lafti qonnaa hektaarri 650 ol amma sababa hanqina roobaa osoo hin qotamin akka jiru, gandoota ollaa keessa jiran keessatti dabalatee,midhaan lafa qonnaa hektaara 950 irra facayee tures sababa gogiinsa kanaatiin akka bade ibsan jechuun kan gabaase’AS’dha.

Comments (0)

Your email address will not be published. Required fields are marked *