Hojjettoonni lagannaa hojii jalqabnaan daandiin qilleensaa Kaanaadaa balalii hunda addaan kute.

OFM:Hagayya.16/2025-Hojjettoonni Daandiin Qilleensaa Kaanaadaa, Air Canada, lagannaa hojii jalqabnaan dhaabbatichi balalii mara addaan kute.

Tarkaanfiin hojjettootaa kuni karoora imalaa, imaltoota 130,000 danqa jedhe dhaabbatichi.

Gamtaan keessummeessitoota Air Canada 10,000 bakka bu’u, tarkaanfii sa’aaatii 72f turu Sambata ganamaa qabe akka fudhatu mirkana kenneera.

Daandiin qilleensaa biyyattii balalii hunda addaan kutuu himuun imaltoonni daandii qilleensaa biraan imaluuf yoo tahe malee gara buufata qilleensaa akka hin deemne beeysiseera.

Keessummeessitoonni Air Canada daballii miindaafi yeroo xiyyaarri lafa jiru hojii hojjetaniif akka isaaniif kaffalamu gaafataa jiru.

Har’a ganama keessaa sa’atii 2:00tti jalqabe. Daandiin qilleensaa kuni sababaa kanaan guyyaatti, balaliin 500 tahu rakkoo keessa gala jechuun midiyaaleen gabaasuurratti argamu.

Comments (0)

Your email address will not be published. Required fields are marked *