Komishinii Siivil Sarviisii Daldaltoota sababa malee gatii dabalan irratti tarkaanfiin ni fudhatama jedhe.
OFM:Hagayya.19/2025-Fooyya’iinsa miindaa taasifame hordofuun daldaltoota daballii gatii taasisuuf yaalan irratti mootummaan tarkaanfii cimaa fudhachuuf ajaja akka dabarse Komishiniin Siivil Sarvizii beeysise.
Fulbaana bara 2018 irraa eegalee daballiin miindaa hojjettoota mootummaa hojiirra akka oolu Komishinii Siivil Sarviisii fi Ministeera Maallaqaa irraa beekuun danda’ameera.
Daballiin mindaa kun dhiibbaa qaala’iinsa jireennaa hojjettoota mootummaarraa xiqqeessuuf kan hojjetame yoo ta’u, daldaltoota sababa malee gatii dabalan irrattis tarkaanfiin seeraan cimaa ta’e akka fudhatamu mootummaan murtoo dabarsuu himameera.
Komishinarri Komishinii Siivil Sarviisii Federaalaa Makuriyaa Haayilee (Dr.) hawaasni daldalaa harki caalaan imaammataa fi qajeelfama mootummaan baase akka deeggaraa jiru beeysisan.
Daballii mindaa kanaaf baajata dabalataa Birrii Biiliyoona 100 fi Biiliyoona 60 ol mootummaan kan baasufi jireenna hojjettoota mootummaa fooyyessuuf dursi kennamuu isaa kan agarsiisu ta’uu ibsaniiru.
Fooyya’iinsi mindaa kun hojjettoonni mootummaa hojii isaanii sirnaan raawwachuu fi tajaajila gahaa fi ariifataa kennuudhaan itti gaafatamummaa isaanii dachaan akka ba’an kan dandeessisuudha jedhan, Komishinarichi.