OFM:Guraandhala.20/2025-Imaltoota balaa xiyyaaraa Torontoo irraa hafaniif doolaarri 30,000 kennamuufi jedhame. Daandiin Qilleensaa Deeltaa imaltoota xayyaara Wiixata darbe balaan isaan muudateef doolaara 30,000 akka kennu hime. Xayyaarri Ameerikaa irraa ka’ee magaalaa Kanaadaa dhaqqabe kuni mataan osoo hin galagaliin dura, lafa qubannaa irratti sigigaataa ture. Imaltoonni homaa osoo hin miidhamin keessaa ba’uu isaanii ajaayibsiifatanii haasa’aa turan. Balaa kanaaf waan sababa tahe ammallee kan hin baramne yoo tahu, qorannoon itti fufee jira. Balalii kanarra imaltoota 76 fi hojjettoota daandii xiyyaarichaa afurtu ture. Xayyaarichi magaalaa Ameerikaa Miniyaapooliis irraa ka’etu Kanaadaa Torontoo gale. Dubbi himaan Deeltaa qarshiin kennuuf jedhaniif imaltootarraa akka deebitti waan eegan akka hin qabneefi mirga isaaniitti akka hin buune ibsaniiru. Hojjettoonni daandii qilleensichaa dafanii imaltoota xayyaara caccabe keessaa baasuu isaaniif jajamaa turan. Kana malees xayyaarichi nageenna imalaa akka eegutti tolfamuun isaas lubbuun namaa akka hin dabarreef sababa jedhameera. Namoota 21 hospitaala geeffaman keessaa tokko malee hunduu Roobii ganama bahuu BBC’tu gabaase.