OFM:Guraandhala.25/2025-Qarqaarsi Ameerikaan taasiftu adda cituu isaatiin Suudaanitti namoonni beela’aa jiru. Deeggarsi namoomaa Ameerikaa Suudaanitti adda cituun jiddugaleeyyiin soorata yeroo atattamaatti namoota harka-qalleeyyiif kennan % 80’n cufaman. Tola-ooltoonni akka jedhanitti, ajajni hoji-raawwachiftuu Pirezedaantiin Ameerikaa Doonaald ‘USAID’ guyyoota 90’f Donaald Tiraamp qarqaarsi akka addaan citu mallatteessan jiddugaleeyyii soorata dhiyeessan 1,100 akka cufamu dirqamsiise. Namoonni miliyoona lamatti siqan, Suudaanitti kanneen jiraachuuf qabsootti jiran taatee kanaan akka miidhamaa jiran gabaasaaleen ni akeeku. Lola finciltoota Humna Dafee dhaqqabaa Suudaan (RSF) fi waraana mootummaa Suudaan jidduutti deemaa jiruun namoonni kumaatamaan lakkaa’aman ajjeefamaniiru. Akkasumas Bara 2023 irraa kaasee namoonni miliyoonaan lakkaa’aman qe’eerraa buqqa’uun, beelaaf saaxilamanii jiru.