OFM:Guraandhala.27/2025-Naannawa daangaa Itiyoophiyaa fi Keeniyaatti waldhadee muudateen namoonni ajjeefamuu hordofee nagaa buusuuf mariin taasifame.
Daangaalee Itiyoophiyaa fi Keeniyaan waldaangeessan, naannoo Kibba Itiyoophiyaa aanaa Daassanach fi kaaba Keeniyaa Turkaanaa keessatti waldhabdee Guraandhala 19/2025 uumameen lubbuun namoota hedduu darbuu hordofuun jilli gama lamaanii nagaa waaraa buusuuf mari’ataniiru.
Maricha irrattis hoggantoonni mootummaa ol’aanoo biyyoota lamaanii walitti bu’iinsa naannoo daangaatti uumamu hiikuu fi naannawa sanatti nageenni akka deebi’uuf waliin hojjechuuf waliigalteerra ga’uu isaanii kominikeeshinii aanaa Daassanech ibse.