Dippilomaatonni Ameerikaa fi Awurooppaa waraanni Itiyoophiyaa fi Eertiraa ammas osoo hin eegalin akka dhaabbatu gaafatanOFM:Sadaasa.14/2925-Itti Aanaan ergamaa addaa gaanfa Afrikaa duraanii Peyton Knopf fi Dura taa’aan Giddugala Qorannoo Galaana Diimaa Aleeksaandar Roondos barruu ‘Foreign Policy’ jedhamu irratti waa’ee waldhabdee biyyoota ollaa lamaan jidduu jiru barreessaniiru.Dippilomaatonni kunneen dubbii fi qophiin waraanaa gama lachuutiin taasifamaa jiru, waraanni biyyoota jidduutti ka’uu akka danda’u agarsiiftuu ta’uu ibsaniiru.Walitti bu’iinsi Itiyoophiyaa fi Eertiraa gara waraanaatti yoo hammaate, Kaaba Baha Afrikaa fi Galaana Diimaa ji’oopoolitikaan barbaachisaa ta’e irratti balaa fiduu akka danda’u dubbataniiru.Walakkeessa baatii Sadaasaa dhuma bara 2022tti waliigalteen dhukaasa dhaabuu mootummaan Itoophiyaa fi humnoota Tigraay jidduutti mallattaa’ee waggaa lammaffaa ta’a.Waliigalteen dhukaasa dhaabuu Afrikaa Kibbaatti erga mallattaa’ee yeroo muraasa booda; Garee Dura Taa’aa Wayyaanee Debretsion Gebremichael (Dr.) fi pireezidaantii bulchiinsa yeroo kanaa Geetaachoo Raddaa hidduutti wal qoqqooduun hammaataa dhufeera.Dippilomaatonni kunneen xalayaa isaanii keessatti guyyoota sadii dura pirezidaantiin bulchiinsa yeroo ajajoota waraanaa ol’aanoo sadii akka aangoo irraa kaafaman ajajuu isaanii kan hubachiisan yoo ta’u, isaanis garee Debretsion waliin ta’uun bulchiinsa yeroo kana kuffisuu isaanii himataniiru.Yeroo addunyaan jeequmsi bal’aan ardiilee fi idil-addunyaa mudachaa jirtu kanatti haalli siyaasaa fi nageennaa Tigraay hammaataa dhufuun Ityoophiyaa fi Eertiraa jidduutti lola uumuu akka danda’us akeekkachiisaniiru.Dorgommiin biyyoota Galoo Galaanaa gidduutti Galaana Diimaa to’achuuf taasifamaa jiru haala Gaanfa Afrikaa irratti dhiibbaa mataa isaa qabaachuu danda’a.Waldhabdeen Itiyoophiyaa fi Eertiraa gara waraanaatti yoo guddate, Kaaba Baha Afrikaa fi Galaana Diimaa ji’oopoolitikaan barbaachisaa ta’es balaadhaaf saaxiluu danda’a.Kanaaf ergamtoonni addaa Ameerikaa fi Awurooppaa gaanfa Afrikaa biyyoonni Galoo Galaanaa fi Ameerikaan naannichaa fi galaana irraa dantaa qaban osoo taateen lolaa kun hin uumamin isaan jidduutti seenuun wal’dhabdee kana karaa ittiin tasgabbeessan akka barbaadan dhaamaniiru.