Waggaa lamaa booda waraanni Suudaan masaraa mootummaa deeffate.OFM:Sadaasa.21/2025-Waraanni Suudaan masaraa mootummaa magaalaa Kaartum jiru gartuu humna addaa (RSF) irraa deeffachuu ajajoonni waraanaa himan.Viidiyoofi suuraawwan miidiyaa hawaasummaa gubbaa qoodamaniifi BBC’n mirkaneesse jedhe, loltoonni gammachuun qawwee yoo mirmirsan, yoo kadhannaaf jilbeeffatan mul’isa.Waraanni Sudaan lola waggaa lamaa booda masaraa mootummaa deeffateWaraanni Suudaan masaraa mootummaa magaalaa Kaartum jiru gartuu humna addaa (RSF) irraa deeffachuu ajajoonni waraanaa himan.Viidiyoofi suuraawwan miidiyaa hawaasummaa gubbaa qoodamaniifi BBC’n mirkaneesse loltoonni gammachuun qawwee yoo mirmirsan, yoo kadhannaaf jilbeeffatan mul’isa.Waggaa lama dura ture waraanni Suudaan morkataa isaanii Humna Addaa (RSF) Suudaaniin kan masaraa keessaa baafame.Dhimma kanarratti RSF waan dubbate hin qabu.Dubbii himaan waraana Suudaan Nabiil Abdallaa miidiyaa mootummaarratti as bahuun waraanni biyyattii masaraafi gamoowwan ministeerotaa jidduugala Kaartum jiran to’achuu ibsan.”Humnoonni keenna loltoota diinaa balleessuun meeshaa waraanaa baay’ee to’ataniiru,” jechuun itti dabaluun dubbataniiru.Magaalaan Kaartum bakka wal waraansi Suudaan waggaa lama dura keessa eegale yoo ta’u, bakka lolli cimaan keessatti taasifamedhas.Humni Addaa Suudaan erga waraanni eegalee magaalaa guddoo biyyattii gara caalu akkasumas lixa Suudaan to’atee tureera.Maagaalaa Kaartum deebisanii to’achuun waraana Suudaaniif milkaa’ina guddaadha.Waraanni biyyattii torbanoota muraasa darban giddugaleessa Suudaanitti olaantummaa fudhataa jira.Gaafa Kamisaa, kanneen ijaan argan dhiheenna masaraa mootummaatti dhukaasni akkasumas haleellaan qilleensaa akka ture dubbatan.Viidiyoo guyyaa Sambataa waraabameen, ajajaan RSF Mohaammad Hamdaan Dagaaloo masaraan mootummaa akka jalaa hin baane akka falman dubbatanii turan.Magaalota gama kaaba biyyattii jiranirratti haleellaa cimsuufis yoos kan dhaadatan.Qaamolee wal waraanan lamaan mariitti fiduuf yaaliin garagaraa taasifamullee osoo ija hin godhatin hafeera.Waraanni Suudaan keessaa rakkoo namoomaa addunyaa guddicha geessisuu Dhaabbanni Biyyoota Gamtoomanii (UN) beeysiseera. Badii kanaaf immoo waraanni biyyattiis ta’e RSF (gama lachuu) himatamaajiru.