Waraanni Suudaan magaalaa guddoo Kaartuum qabatuun wal-qabatee ajjeechaan seeraan ala lammiilee nagaa irratti raawwatamaa jiraachuun himame.
OFM:Muddee.05/2025-Erga torbee darbe waraanni Suudaan magaalaa guddoo Kaartuum qabatee as ajjeechaan seeraan ala lammiilee nagaa irratti raawwatamaa jiraachuu Koomishinara Ol’aanaan Mirgoota Namoomaa Dhaabbata Mootummoota Gamtoomanii beeysise.
Dura taa’aan komishinichaa Volker Turk ibsa kennaniin, waraanni Suudaan guutummaan guutuutti akka qoratamu gaafataniiru.
“gabaasa amansiisaa dhimmoota dachaa ajjeechaa gaggabaaboo lammiilee nagaa naannoolee Kaartuum hedduu keessatti raawwataman, kanneen Humnoota Deeggarsa Saffisaa waliin ta’uun raawwatamanii shakkaman” irratti yaaddoo qaban Dura taa’aan komishinichaa Volker Turk ibsaniiru.
namoonni dhuunfaa fi qaamoleen seera yakkaa idil-addunyaatiin gocha fudhatama hin qabne akkasii ajajuuf itti gaafatamummaa qaban akka itti gaafataman gaafataniiru.
Obbo Turk waajjirri isaanii viidiyoo suukaneessaa hedduu namoonni hidhate ”namoota nagaa ajjeesuu” agarsiisan gamaaggamuu ibsuun, dhimmichi ”cimaa” ta’uu ibsuun, waraanni kun waggoota lamaan darbaniif waraana sivilii rakkoo namoomaa hamaa addunyaa irratti fide keessatti RSF lolaa ture jedhan.
Viidiyoon namoota nagaa hidhattoota hidhataniin Kaartuum fi naannoo ishee keessatti ajjeechaa raawwatame jedhame miidiyaa hawaasaa irratti tamsa’aa kan jiru yoo ta’u, humni waraanaa Suudaan garuu hanga ammaatti himannaa kanaaf deebii hin kennine.
Gama biraatiin baatii Guraandhalaa keessa hogganaan raayyaa ittisa biyyaa Jeneraal Abdel Fattah al-Burhan koree dhiittaa mirgaa magaalaa guddoo bulchiinsa Geziraa Wadi Medani keessatti raawwatame jedhame qoratu muude, argannoon isaa hanga ammaatti ummataaf ifa ta’uu baatus.
Ameerikaan Jeneraal Burhaan irratti qoqqobbii kan kaa’e himannaa Waad Madanii keessatti