Haangaariin Yukireeniif liqii Yuuroo biiliyoona 90 ramadamee ture uggure!
OFM:Gurraandhala.21/2026.Haangaariin hanqina baajata biyyattiin qabdu uwwisuufi meeshaa waraanaa akka bitattu qarqaaruuf liqii Yuuroo biiliyoona 90 Gamtaan Awurooppaa irraa Yukireenif kenne uggurtee jirti.
Ambaasaaddarri Gamtaa Awurooppaa Haangaarii yaada liqiin kun bifa dirqama liqaa baajata Gamtaa Awurooppaatiin deeggaramee kennamu kuffiseera.
Liqiin kun ragga’uuf biyyoota miseensa ta’an 27 hunda irraa sagalee guutuun kan gaafatu ta’a.
Murteen Haangaarii kun Yukireen doolaara biiliyoona 8 Fandii Maallaqaa Idil-addunyaa (IMF) irraa qarqaarsa argattu balaadhaaf saaxiluu akka danda’u gaazexaan Faayinaanshiyaal Taayims (FT) gabaaseera.
Haangaarii fi Isloovaakiyaan kanaan dura dhiyeessii diizilaa Yukireenif dhiyeessan addaan kutaniiru.
Kunis kan raawwatame ijaarsi ujummoo “Friendship” (Druzhba) kan Yukireen keessa darbee boba’aa Raashiyaa geejjibsiisu akka jalqabamu dhiibbaa gochuuf ture.
Yukireen ji’a Eblaa keessa hanqina baajata hamaa akka muudatu kan eegamu yoo ta’u, liqiin kun akka ”lubbuu baraaruutti” ilaalama ture.
Haangaariin nageenna anniisaa mataa isii mirkaneessuu fi waldhabdee ujummoo boba’aa Yukireen waliin jiru furuuf tarkaanfii kana akka fudhatte himama.