Doorsisni bilisummaa Pireesii Itiyoophiyaa bara 2024’keessa heddummaataa dhufuun gaazexeessitoonni 43 hidhamuu fi ukkaamfamuun isaanii gabafame.
OFM:Muddee.02/2025-Bara 2024 keessa Doorsisni bilisummaa Pireesii Itiyoophiyaa keessatti baay’ataa dhufuun gaazexeessitoonni 43 hidhamuu fi ukkaamfamanii fudhatamuun isaanii gabaafame.
Akka gabaasni Dhaabbata Deeggarsa Miidiyaa Idil-Addunyaa, Madaallii Nageenna Gaazexeessitootaa baaseetti, Itiyoophiyaa keessatti bilisummaan pireesii balaa guddaa keessa jiraachuu akeeka.
Gaazexeessitoonni sodaachifamuu, hidhamuu fi rakkina guddaa keesaa jiraachuu dhaabbatichi ibseera.
Naannoolee wal-waraansi keessa jiru kanneen akka naannoo Amaaraa, Oromiyaa fi Beenishaangul Gumuuzitti gaazexeessitoonni akka fedhetti gareewwan hidhattootaan hidhamuu fi ukkaamfamuuf kan saaxilamaniifi akkasuma doorsifamuu jedhe gabasichi.
Dhaabbatichi qajeelfama idil-addunyaa nageenna miidiyaa irratti ba’e kabajuun
gareewwan wal-waraanaa jiran gaazexeessitoota ukkaamsanii fudhachuu, rakkoo irraan gahuu fi sodaachisuu dhiisuu
akka qaban hubachiiseera.