Gaazexessaan Gaanaa miseensa paarlaamaa duraanii himatee US’tti miliyoonni 18 murtaaheef.OFM:Sadaasa.19/2025-Manni murtii Ameerikaa gaazexeessaa qorannoo Gaanaa Anas Aremeyaw jedhamu erga gareen inni miseensa paarlaamaa duraanii Gaanaa Keeneedii Agyaapoongiin maqaa balleessiin himatee booda doolaara miiliyoona 18 murteesse.Anas Aremeyaw fuulli isaa akka hin mul’anneef haguuggii fuulaa haala rifeensaan hojjetame uffachuun beekamaadha.Keeneedii Agyaapoongiin yaada qorannoo gaazexessummaa BBC’tin bara 2018 hojii malaammaltummaa inni kubbaa miilaa Gaanaa fi bakkeewwan birootti hojjate saaxiluu hordofee,waa’ee Gaazexesichaa kenne hordofeeti himatni kan irratti baname.Miseensa paarlaamaa Gaanaa duraanii kun gaazexeessaa kana ”yakkamaa” jechuun ibsuun ajjeechaa gaazexeessaa biyyatti tokko duuba akka jiru yakke.Anas waggoota torba dura mana murtii Gaanaa keessatti himata itti banullee ni mo’ame. Haa ta’uu malee bara 2021 bakka anga’aan qabeenna horatee qabu Ameerikaa New Jerseytti himata haaraa bane.Manni Murtiichaas torbee darbee murtoo dabarseen Keeneedii Agyaapoongii maqa balleessuun itti gaafatama jedheera.Gazexeessichaafis badhaasa doolaara miiliyoona 18 mureera.Lakkofsi kun miidhaa adabbii doolaara miiliyoona 8 kan anga’ichatti murtaa’e kan dabalatu ture.”Haqni mo’ateera. Injifannoon kun kiyya qofaaf osoo hin taane, kanneen miidiyaa walabaaf hojjatan maraatis jedhe” Anas