Israa’el haleellaa haaraa Gaazaa irratti banteen namoonni 220 du’uun himame.
OFM:Sadaasa.18/2025-Israa’el haleellaa bifa haaraan Gaazaa irratti banteen Filisxeemonni 220 du’uu ministiirri fayyaa Gaazaa beeysise.Humni Waraana Israa’el gamasaan “mandheewwan shororkeessitootaa” Hamaas kan jedheen irratti xiyyeeffachuun haleellaa gaggeessuu beeysise.Haleellaa kanaan qondaalli nageennaa Hamaas ol’aanan Gaazaa keessatti argamu Mohaammud Abu Wafah ajjeefamuutu gabaafame.Mohaammud ittaana ministiira biyya keessaa Gaazaa ta’uun tajaajilaa ture. Erga gaafa Amajjii 19 Israa’elifi Hamaas dhukaasa dhaabuuf waliigalanii as haleellaa guddaan kun isa jalqabaati.Jiraattoonni Gaazaa ijaan argan xayyaaronni waraanaa Israa’el 20 ol haleellaa kanarratti hirmaatuu BBC’n odeeffateera.Haleellaan kun har’a gara lafa barii kan eegale yoo ta’u, haleellicha kan ajaje Ministiirri Muummee Israa’el Beeniyaamin Netaaniyaahuufi ministiirri ittisaa biyyattii Israa’el Kaatzidha.Waajjirri ministeera muummee Israa’el ibsa baaseen, “Kuni haleellan kan ta’eef Hamaas namoota keenna butee harkaa qabu irra deddeebin diduu irraa kan ka’e akkasumas yaadota ergamaa pirezidaantii US kan ta’an Istiiv Wiitkoof dabalatee mariisistota irraa dhiyaataniif diduusaa irraa kan ka’eedha,” jedha.Karoorri Gaazaa irratti haleellaa gaggeessuu humna waraanaatiin dhiyaate gageessitoota siyaasaan mirkanaa’uu booda haleellan qilleensarraa kan raawwatame.Hamaas gamasaan ibsa baasen Israa’el ofuma isiitii waliigaltee dhukaasa dhaabuu diigde jechuun komate.Hamaas ibsa baase kanaan Dhaabbanni Biyyoota Gamtoomaniifi jaarsoliin araaraa akka gidduu galan gaafachuun alatti waraana itti fufuufi dhiisuu hin beeksifne.Israa’el haleellaa ganama har’aa Gaazaa irratti gaggeessuu dura bulchiinsa Tiraamp beeysisteeti.Biyyoonni waraana kana dhaabsisuuf jaarsummaan jidduu deeman waliin galteen dhukaasa dhaabuu marsaa jalqabaa Bitootessa 1 xummurame akka itti fufuuf ifaajaa turan.US gama isiitiin waliigalteen dhukaasa dhaabuu marsaa jalqabaa hanga walakeessa ji’a Eblaatti akka itti fufuuf yaada dhiyeessitee turte.Qondaalli Filisxeem dhimmicha sirriitti keessa beekan tokko BBCtti akka himanitti yaada US dhiyeessite keessaa dhimmoota ijoo ta’an irratti Israa’elis ta’ee Hamaas irratti walii galuu dhabuu isaaniiti.