Miyaanmaaritti Kirkirri lafaa hamaan
muudachuun fageenna dheeraa rratti Baankookitti miidhaa dhaqqabsiise.
OFM:Sadaasa.28/2025-Jaarmiyaan qorannoo dachee US Geological Survey jedhamu kirkiri lafaan hamaan Miyaanmaaritti muudate kun magniitiyuudii 7.7 ta’uu mirkaneesseera.
Iddoon balaan hamaan kun itti muudate kun magaalaa Miyaanmaar Sagaayiing jedhamurraa kallattii kaaba-lixaan kiilomeetira 16 fagaateeti.
Garuu dambaliin isaa hanga Taayilaandii fi kibba-lixa Chaayinaatti fulla’uun miidhaa geessisuutu himama.
Baankook keessatti gamoowwan balaa kanaan manca’aniiru, Miyaanmaar magaalaa Naayipiidaaw keessatti daandiirra miidhaan hedduu dhaqqabeera.
Gamoowwan dhedheeroon Baankook keessatti argaman akkaataa kirkira lafaa dandamachuu danda’aniin hin ijaaramne, kanaaf miidhaan dhaqqabu ammoo guddaadha.
Mootummaan Taayilaand balaa kana ilaalchisee kora hatattamaa gaggeessaa jiraatuu gabaasaaleen addeessaniiru.
Baankookitti erga gamoon balaa kirkira lafaan barbadaa’ee booda namoonni 43 dhabamuun himamuun, lubbuu baraartonni gamoo jijjige sakatta’aa akka jiran Miidiyaaleen gaabaasa jiru.