Morkii Waancaa Kilaboota Addunyaa har’a Cheelsiifi PSG jidduutti gaggeeffama. OFM:Adoolessa.13/2025-Taphni xummuraa Waancaa Kilaboota Addunyaa har’a galgala Cheelsiifi PSG jidduutti taphatamu hawwiin eegama. Taphni xummuraa har’a halkan sa’aatii 4:00 eegalee taphatamu kana Pireezidaantiin Ameerikaa Doonaald Tiraampi Istaadiyeemiitti argamuun ni daawwatu. Taphni xummuraa yeroo jalqabaaf kilaboota Ingiliizii fi Faransaayi jidduutti taphatamu kun xiyyeeffannoo ol’aanaa argateera. Dorgommiin kilaboota Addunyaa 32 hirmaachisuun yeroo jalqabaaf bara kana qopheessummaa Ameerikaan gaggeeffame kun har’a xummura argata.