Gaazexeessaan lammii Falasxiin haadha warraa fi intala isaa waliin ajjeefame.
OFM:Muddee.25/2025-Gaazexeessaan lammii Falasxiin Sa’iid Abu Hasanein haadha warraa fi intala isaa waliin haleellaa qilleensaa Israa’el magaalaa Gaazaa Deir al-Balah keessatti raawwatteen ajjeefame.
Gaazexeessaan Raadiyoo Al-Aqsaa Sa’iid Abu Hasanein haadha warraa fi intala isaa waliin dunkaanaa (Daasii) inni keessa ture haleellaa xiyyaara Israa’eeliin rukutame. Sirni awwaalcha maatii kanaa Hospitaala Wareegamtoota Al-Aqsaatti raawwatame.
Israa’el gaazexeessaa beekamaa Aljaziraa Hossam Shabat, akkasumas Al-Gul, Hamza Dahiduh, Samer Abudaqi, Rami Al-Rafa, fi Ahmed Al-Luhan ajjeesuu isii miidiyaalee addunyaatiin gabaafamuun ni yaadatama.
Onkoloolessa bara 2023 irraa eegalee haleellaa Israa’el Gaazaa keessatti raawwatteen gaazexeessitoonni Falasxiin 210 ol ajjeefamuu isaanii Anadolu fi Middle East Monitor gabaasaniiru.