Pireezidaantiin Burukiinaa Faasoo ennullee yaalaaf biyya alaa hin deemu jedhan. OFM:Caamsaa.05/2025-Pireezidaantiin Ibraahim Tiraa’oree kilinika socho’aa 15 kan jalqaban yoo ta’u, ”lammiileen bakka hundatti argaman tajaajila yaalaa argachuu qabu” jedhan. Baadiyyaa fi magaalaa keessatti Kilinikoonni socho’oon kunneen tajaajila kennuudhaaf mijatoo ta’uun himama. Pirojektoota Tiraa’oreen kanaan dura damee fayyaa keessatti hojjetan keessaa, Ijaarsi hospitaala guddaa Afrikaa Dhihaa keessatti jalqaba ijaaramuu eegalamuu isaa ji’oota dura beeysisanii ture. “Hospitaalichi yeroo xummuramee hojiitti seenu qondaallis ta’e lammiin wal’aansa fayyaaf gara biyya alaa imalu hin jiraatu!” jedhan Ibraahim Tiraa’oreen. Kana malees Pireezidaantichi kan dubbatan keessaa; Seera haaraa haadholiin dhaabbilee yaalaa keessatti bilisaan akka dahaniif; hayyama baasuu isaaniiti.