Kaaba Gaazaatti Hospitaalli dhumaa argamu cufame.
OFM:Caamsaa.31/2025-Hospitaalli dhumaa kaaba Gaazaa akka cufamu Israa’eliin ajajni kan itti kenname ta’uu daayreektarri hospitaalichaa beeysisaniiru.
Tajaajillii Fayyaa isa dhumaa kaaba Gaazaa keessatti argamu erga waraanni Israa’el hatattamaan akka bahu ajajeen booda cufamuu isaa daayreektarri hospitaalichaa himaniiru.
Daarektarri kun akka jedhanitti dhukkubsattoonni hospitaala Al-Awdaa Jabaliyaatti argamu irraa gara bakka biraatti jijjiiramuu isaanii ibsaniiru.
Israa’el hanga ammaatti taatee kana ilaalchisee yaada hin kennine, jiraattonni hospitaalichaa garuu haleellaa Israa’el raawwachuu malu sodaachuun baqachuu isaaniitu himama.
Dhaabbanni qarqaarsa namoomaa Dhaabbata Mootummoota Gamtoomanii akka jedhetti waldhabdeen torban lamaaf ture hospitaalicha miidhuu, dhaqqabummaa addaan kutuun dhukkubsattoonni yaala akka hin arganne taasiseera.
Dhaabbilee fayyaa 27 dhaabbata baqattoota Falasxiin Baha Dhihoo (UNHCR) tiin geggeeffamu 27 keessaa sagal hojiirra turan.