Ibiddi bosonaa Kaanaadaatti muudate. OFM:Waxabajjii.01/2025-Kaanaadaa bulchiinsa Manitoobaa keessatti ibiddi bosonaa saffisaan babal’ataa jira. Hojjettoonni baraarsaa xiyyaara waraanaa fi helikooptaroota fayyadamuun jiraattota naannoo sanaa baasuutti jiru. Dhiha Kaanaadaa bulchiinsa Saskatchewan fi Manitoba keessatti namoonni kumaatamaan lakkaa’aman qe’ee isaanii keessaa baafamaniiru. Bulchiinsa Manitoobaatti qofa balaa kana hordofee hanga ammaatti namoonni kuma 17 ta’an qe’ee isaaniirraa buqqa’uu AP’n gabaaseera. Naannoolee kanneenitti labsiin yeroo muddamaa ji’a tokkoof turu labsamee jira. Balicha to’achuuf tattaaffii cimaa taasisaa kan jirtu biyyattiin, humna isiitii ol ta’uu ibsuun, hawaasni adduunyaa akka deeggarsa godhuuf waamicha taasisaniiru. Guyyoota itti aanan keessa naannoleetti qilleensi goggogaa fi ho’aan akka jiru kan eegamu waan ta’eef, ibidda bosonaa to’achuun daran rakkisaa ta’uu Miidiyaalee’n gabaasaa jiru.

Comments (0)

Your email address will not be published. Required fields are marked *