Iraan Lammii isii Israa’eliif basaasa jette du’aan adabde.
OFM:Waxabajjii.16/2025-Iraan nama lammii isii dhaabbata basaasa Israa’el Moosaadiif osoo basaasuu arge jechuudhaan to’annoo jala oolchitee turte, har’a ganama du’aan adabuu isii dhaabbanni Oduu Mootummaa Iraan IRNA gabaaseera.
Namni du’aan adabame kun, bakka bu’aa Moosaadii Amiir nama jedhamu fi basaasaa Israa’el biraa wajjin wal arguudhaan Odeeffannoo jajjaboo akkasumas bakkeewwan iccitii Iraan ilaallatu dhaabbata basaasaa Israa’eliif dabarsee kennee jira jedhamee shakkamuudhaan ture A.L.A Muddee 2023 to’annoo jala kan oolfame.
IRNA akka gabaasetti, shakkamaan kun himannaa mootummaan Iraan irratti dhiheesse amanuu isaarrayyuu, kaffaltii karaa Kiriiptoo Karansiin fudhachuu isaa ragaadhaan itti mirkaneeffameera.
Shakkamaan kun biyya diinummaadhaan ilaalamtu qarqaaruu fi faayidaa biyyaalessaa Iraan balaarra buusuudhaan himatamee balleessaa ta’uun isaa waan itti mirkanaaheef, ganama har’aa fannifamee ajjefamuu isaa gabaasichi eereera.