Voolkaanoon Guddichi Ertaalee duraanii akkaan babal’achuu isaatiin dhohiinsi Voolkaanoo haaraan uummame!
OFM:Adoolessa.16/2025-Naannoo Affaaritti dhohiinsi Voolkaanoo haaraan, kaleessaa eegalee dhiheenna naannoo Voolkaanoo Ertaalee duraanii fageenna kiiloo meetira 15n irratti bakkeewwan afuritti uummamaa jiraachuu, Biiroon Turiizimii Naannoo Affaar beeysise.
Tuuristoonni Israa’elii fi Jaappaan daawwannaadhaaf achi dhaqanii wayita dhohiinsi kun uummamu argan, dhohiinsa kanaan ajaa’ibsiifamuu isaanii, Daareektarri Beeysisa Turiizimii fi Misooma Gabaa Biiroo Turiizimii Naannoo Affaar obbo Abduu Ahimad himuu isaanii EBCtu gabaase.
Dhohiinsa bakka afuritti uummame kanaan kan mul’ate aara haa fakkaatuyyu malee, keessi isaa ibidda qabaachuu isaa itti gaafatamaan kun eeraniiru.