Faransaayiin sababa jijjiirama qilleensaatiin ibiddi bosonaa qabate babal’ataa jira.
OFM:Hagayya.06/2025-Faransaay Kibbaatti sababa jijjiirama qilleensaatiin ibiddi bosona muudachuun ibsameera.
Ibiddi bosonaa kun hanga ammaatti lafa hektaara kuma 11 ol kan gubee fi manneen hedduus barbadeessuu isaatu gabaafame.
Balaa ibidda bosonaa kanaan hanga ammaatti namoonni saddeet( kan miidhaman yoo ta’u, namni tokko gar-malee miidhameera.
Ibiddi bosonaa kun kan ka’e daangaa Faransaayii fi Ispeen Galaana Meditiraaniyaan kaluu jirutti kan argamu gaara koor Birs jedhamu irratti.
Ibidda bosonaa kanaan miidhaa dabalataa namoota irra gahu ittisuuf hojiin namoota achii kaasuu hojjetamaa akka jirus gabaafameera.
Dhaabbanni Miitiwoorolojii biyyattii qilleensi cimaan naannoo sanatti dhufu ibidda kana babal’isuu waan danda’uuf daandiiwwan gara naannoo sanaatti geessan akka cufaman ajajuu isaa France 24 gabaaseera.