Loltoonni NATO Yukireen keessa yoo buufatan tasumaa fudhatama hin qabu jette Raashiyaan
OFM:Hagayya.18/2025-Yeroo mariin Tiraamp fi Zeleniskii wayita eegamaa jirutti Mooskoon ejjannoosii irra deebiin ifa goote.
Ministiirri Dhimma Alaa Raashiyaa ibsa baaseen, loltoonni NATO Yukireen keessa yoo buufatan tasumaa fudhatama akka hin qabne beeysiseera.
Ibsa kanaan, UKn loltoonni biyyoota miseensa NATO ta’anii Yukireen keessa akka buufatan gochuuf deemti jechuun Raashiyaan komatte.
Gama biraan ammoo Zeleniskiin marii Tiraamp waliin taasisu kanaan wabii nageennaa USfi biyyoota Awurooppaa irraa barbaada.
Biyyoonni akka USfi Faransaati fa’aa, waraanni erga xummuramee booda loltoota bobbaasun nagaa eegsisuu akka barbaadan irra deddeebiin ibsaa turan.
Kuni ammoo Raashiyaa hin gammachiifne.
•Gama ibaatiin:-Tiraamp dureewwan Awurooppaa waliin haasaa taasisan.
Tiraamp marii Zeleniskii waliin gaggeessuu dura, gaggeessitoota biyyoota Awurooppaa waliin marii taasisaa jira.
Tiraamp marii Zeleniskii waliin erga taasisee booda Puutiinif akka bilbilu beeksisuun, Puutiinifi Zeleniskiin wal-arguun akka mariyatan gochuuf akka yaalan waadaa galaniiru.
Gaggeessitoonni biyyoota Awurooppaa Puutiin dhukaasa akka dhaabuuf Tiraamp dhiibbaa akka godhan gaafataniiru.
Tiraamp ammoo “Hundi keennayyuu dhukaasni akka dhaabatu ni barbaanna,” jechuun waraanichi akka dhaabatuufi biyyoonni lamaan akka waliigalan gochuuf akka hojjatan dubbatan.