OFM:Guraandhala.20/2025-Piriimeer Liigii Ingilaandiin taphni Astoon Viilaafi Liiverpuul jidduutti taphatame galchii 2 qixa xummurame. Tapha Piriimeer Liigii Ingilaand kaleessa halkan geggeefameen Astoon Viilaafi Liiverpuul galchii 2fi 2’n xummuruun qabxii qoodatan. Astoon Viilaan dursaa liigichaa Liivarpuuliin halkan sa’aatii 4:30 irratti Viilaa Paarkiitti keessummeessuun qabxii irraa qooddachuu danda’eera. Jijjiirraadhaan taphattoota ciccimoo kan mallatteessise Astoon Viilaan, waancaa liigiichaa injifachuuf tattaafachaa kan jiru Liivarpuulitti halkan edaa qormaata cimaa ta’e.