OFM:Guraandhala.16/2025-Hoggantoonni Awurooppaa dhimma waraana Yukireen irratti torban dhufu walga’ii atattamaa ta’uuf.
________________________________________
Hoggantoonni Awurooppaa ejjennoon Donaald Tiraamp isaan yaaddesse, dhimma Yukireen irratti kora atattamaa akka taa’uuf jedhan ibsame. Walga’ii kana taa’uun kana barbaachiseef ammoo US marii nagaarratti addatti Raashiyaa waliin qofa itti deemaa waan jirtuuf ardittii badheetti hambisa yaaddoo jedhuuf deebii kennuufidha. Kora Paarisitti gaggeeffama jedhame kanarratti akka argaman kan eegamu MM UK Sir Kiir Istaarmer, “nageenna biyyaalessaa keennaaf kun dhaloota tokko keessaa takka kan muudatudha” jechuun, Awurooppaan NATO keessatti gahee caalu qabaachuu akka qabu ifa jedhan. Deemsi US kun Awurooppaatti shakkii uumuu kan jalqabe ergamaan addaa Doonaald Tiraamp Yukireen deeman marii US fi Raashiyaan waraanicha dhaabuuf taasisan kamiyyu keessatti hoggantoonni Awurooppaa mariisifamuu danda’u garuu keessatti hin hirmaatan jechuu isaanii hordofeeti. Aanga’oonni ol’aanoo Waayit Hawus guyyoota dhufan keessa bakka bu’oota marii araaraa Raashiyaa fi Yukireen Sa’ud Arabiyaa keessatti arguudhaaf jiru. Ergamaan Addaa US Kiiz Keloog dubbii Yukireeniifi michoota isii biratti yaaddoo kaasa jedhame taasisaniin, mariin araaraa kanaan dura turan sababa qaamoleen hedduun keessatti hirmaataniif hin osoo milkaa’iin hafe jedhan. “Akka boronqii gabatee gurraaachaarraa sana fakkaachuu danda’a, xiqqoo nyaatamaa deemuu danda’a, garuu ani garuu waan dhugaa ta’en isinitti himuu barbaada,” jedhan dubbii Sambata dubbataniin ergamaan addaa US kun. Sir Kiir Ismaarter gahee Ameerikaa fi Awurooppaa walitti fiduun nagaa Yukireen keessatti tokkummaadhaan akka uumamu gochuu keessatti qabaachuu danda’u akka jiru hubataniiru. MM UK kun dhuma ji’a kanaa wayita Waayit Haawus daawwatanitti ilaalchi hoggantoota Awurooppaa maal akka ta’e pirezidantii Ameerikaa Doonaald Tiraamp waliin ni mariyatu jedhamee eegama. Erga Sir Kiir Ismaarter Waashigitenirraa deebiyanii ammoo Pirezidaantii Yukireen Volodmiir Zeleniskii dabalatee hoggantoota Awurooppaa waliin dabalataan kan gaggeeffamu ta’a. “Yaaddoo Raashiyaa irraa dhufuun dhugaa addunyaarra jiru dura akka har’aa kan dura itti dhaabbanne kun yaaddoo nageennaa biyya keenna dhaloota tokko keessaa takkaa muudatudha.” Zeleniskiin dubbii Sambta ganama taasisaniin, Ameerikaan kana booda ardii kana gargaaruu dhiisuu dandeessi jedhamee yaaddoon dabalaa dhufuu isaatiin, waraana Awurooppaa” akka uumamu gaafataniiru. Konfiraansii Nageennaa Muuniik irratti haasawa taasisan kanaan, dubbiin itti aanaan pirezidaantii Ameerikaa J. D. Vaans dubbatan hariiroon durii Awurooppaa fi Ameerikaa jidduu jiru ”xummuramaa akka jiru” fi ardiin kun ”sanaaf of qopheessuu akka qabdu ifa godheera jedhan. Garuu jedhan Zeleniskiin, Yukireen ”hirmaannaa keenna malee waliigaltee duyda keenna duuba taasifamu goongumaa hin fudhattu” jechuun erga Tiraamp fi Pirezidaantiin Raashiyaa Vilaadmir Puutiin marii nagaa jalqabuuf waliigalanii booda dubbataniiru. Pirezidaantiin Ameerikaa jalqaba torban kanaa hogganaa Raashiyaa waliin haasawa dheeraa akka taasisan fi mariin ”waraana fokkisaa” Yukireen keessatti gaggeeffamaa jiru dhaabuuf ”battalumatti” akka eegalu beeysisaniiru. Sana booda Tiraamp karoora isaanii Zeleniskiii kan beeysisan. Gaafa Sambataa Ministirri Dhimma Alaa Yunaayitid Isteets Maarkoo Ruubiyoonis ministeera haajaa alaa Raashiyaa waliin bilbilaan wal arganii dubbii bilbila Fulbaana 12 Tiraamp fi Puutiin jidduutti taasifame cimsaniiru. Waamichi Tiraamp jalqaba torbee kanaa pirezidaantii Raashiyaa waliin taasisan callisa gara waggaa sadii Waashingitan fi Moskoo jidduutti ture cabseera. Qondaaltonni ol’aanoo bulchiinsa Tiraamp guyyoota itti aanan keessatti mariisistoota Raashiyaa fi Yukireen waliin Sa’ud Arabiyaa keessatti marii nagaa akka jalqaban bakka bu’aan Ameerikaa Maayikeel Maakool dhaabbata oduu Rooyitarsiif ibseera. Dura taa’aan koree dhimma alaa mana maree Maakool, Zeleniskiin marii Sa’uudii irratti akka hirmaatu affeeramuu isaa hubachuu isaanii ibsaniiru. Mariin kun “dhumarratti nagaa fiduu fi waldhabdee kana xummuruuf” Tiraamp, Puutiin fi pirezidaantii Yukireen waliin walgahii qopheessuuf kan kaayyeffate ture. Guyyaa tokko dura Vaans balaan guddaan ardii kana muudate Raashiyaa fi Chaayinaa osoo hin taane, ”keessa irraa” ta’uu ibsuun, biyyoota dimokiraasii Awurooppaa irratti haleellaa guddaa banee ture.

Comments (0)

Your email address will not be published. Required fields are marked *