Netflix NASA waliin ta’uun tamsaasa kallattii hawaa irraa eegaluufi.
OFM:Adoolessa.08/2025-Netflix yeroo dhiyootti imala astronauts fi sochiiwwan biroo hawaa keessatti hojjetan, NASA waliin ta’uun tamsaasuu ni jalqaba.
Netflix sagantaalee furguggifama rookkeettii hawaa fi ilaalcha lafa hawaa irraa agarsiisanis akka tamsaasu fuula X isaa irratti beeysiseera.
Bulchituun NASA Rebecca Sirmons waa’ee sagantichaa akka jedhanitti, “Seera bara 1958 baheen qorannoo hawaa fi argannoowwan hawaa ummata bal’aaf akka qoodnu nu gargaaru qabna jedhan.
Sagantaa hawaa dhaloota haaraa kakaasuu fi bashannansiisu ni dhiheessan jedhan.
Namoonni sagantaalee kana salphaatti mana isaanii taa’anii bilbila isaaniitiin argachuu fi ilaaluu akka danda’an dubbataniiru.
Netflix addunyaa guutuutti daawwattoota miliyoona 700 ol qaba; Waliigalteen ammaa kun namoonni hedduun dhimma hawaa kallattiin akka ilaalan kan taasisuudha jedhameera.