Kibba Sooriyaa keessatti walitti bu’iinsa uumameen yoo xiqqaate namoonni 30 du’an.
OFM:Adoolessa.14/2025-Kibba Sooriyaa keessatti waldhabdee hidhannoo loltoota gosa Beduun Sunnii fi milishoota Diruze jidduutti uumameen yoo xiqqaate namoonni 30 ajjeefamuu ministeerri dhimma biyya keessaa biyyattii beeysise.
Walitti bu’iinsi kun kan ka’e Dilbata kaleessaa magaalaa baay’inaan Diruze keessa jiraatan kan bulchiinsa Suweedaa keessatti yoo ta’u, daldalaan gosa Diruuze tokko daandii guddaa gara Damaasqoo geessu irratti butamuun isaa erga himamee guyyaa lama booda ture.
Ministeerri dhimma biyya keessaa haalli kun ”muddama balaafamaa” jechuudhaan, tasgabbii deebisuu yaaluuf humnoonni nageennaa bobbaafamaa akka jiran ibseera.
Erga humnoonni finciltootaa Islaamummaan durfaman Muddee keessa Pireezidaantii Baashaar Al-Asaad aangoo irraa buusanii as biyyattii keessatti jeequmsi garee lubbuu namootaa galaafate yoo muudatu kun isa dhiyooti.