Labsiin namni dhuunfaa Qabeenna bosonaa irratti miidhaa dhaqqabsiise itti gaafatamu labsame waggoota shan ta’us hojiirra hin oolle jedhame.OFM:Sadaasa.15/2025-Namootni dhuunfaa qabeenna bosona irratti har’allee miidhaa geessisan bu’uura labsii fi dambii baheen seeraan itti gaafatamaa akka hin jirre Ministeerri Bosonaa Itiyoophiyaa beeysise.Bu’uura Labsii Eegumsa Bosonaa Lakk 1065/2018 fi Dambii Raawwii Labsii Lakk.544/2024 Bu’uura labsii fi dambii baheen namoota dhuunfaa qabeenna bosonaa irratti miidhaa geessisan seera duratti itti gaafatamuu fi tarkaanfiin naamusaa irratti, barsiisuu fudhatamuu qaba.Ejensii Misooma Bosonaa Itiyoophiyaatti Hogganaan Deeskii Ittisa Balaa Bosonaa Obbo Addunyaaa Ababaa akka jedhanitti labsichi erga hojiirra oolee waggaa shan lakkoofsiseera; Haa ta’u malee, namoonni dhuunfaa qabeenna bosonaa irratti miidhaa geessisan ammallee akkaataa labsii fi dambii baheen seeraan itti gaafatamaa akka hin jirre dubbataniiru.Qondaalli kun akka ibsanitti, namoonni yakka raawwatan seeratti dhiyaachuu dhabuu fi tarkaanfiin naamusaa akkaataa labsii fi dambiitiin fudhatamuu waan hin dandeenneef, akkasumas hirmaannaan hawaasni yakkamtoota seeratti dhiyeessuu keessatti qabu gadi aanaa waan ta’eef, miidhaan qabeenna bosonaa irra gahu dabaleera.Odeeffannoon ‘OFM’ argate akka akeekuttiNamoonni dhuunfaa qabeenna bosonaa irratti miidhaa geessisan akka itti gaafatamaniif waajjirri naannoo fi seektaraa akkaataa labsii fi dambii baheen akka hojjetan gaafatamaniiru.