Ameerikaan adda isii Chaayinaa dura dhaabbatuu hin dandeessu” jedhan Itti aanaan ministeera haajaa alaa Ameerikaa duraanii.
OFM:Muddee.24/2025-Ameerikaan qormaata Chaayinaadhaan isii muudate qolachuuf michoota idil-addunyaa waliin qabdu cimsuu qabdi jedhan Ministirri Dhimma Alaa Yunaayitid Isteetis duraanii Kurt Kaampbeel.
USAn ofumaan Chaayinaa waliin wal-dura dhaabbachuu akka hin dandeennee fi biyyoota akka Jaappaanii fi Kooriyaa Kibbaa waliin hariiroo qabdu cimsuu akka qabdu hubachiisaniiru.
Kaampbeel; Imaammanni alaa “America First” jedhu Pirezidaanti Doonaald Tiraampiin hojiirra oolchaa jiran Chaayinaa waliin wal dura dhaabbachuun kufaatiidhaaf of qopheessaa akka jiranis ibsaniiru.
Waashingitan fi Beejiing akka addunyaatti teeknooloojii irraa kaasee hanga daldalaatti hanga dandeettii waraanaatti dorgomaa ta’uu isaanii kan dubbata Qondaalli duraanii kun.
Ameerikaan qormaata addunyaa kamiyyuu dandamachuuf dandeettii industirii fi teeknooloojii kan qabdu yoo ta’u, Chaayinaan teeknooloojii, oomishaa, sammuu namtolchee, ijaarsa doonii, fi waraana irratti tarkaanfii guddaa galmeessiteetti jedhan.
Kanaaf, Ameerikaan qormaata kana kophaa isii fudhachuu akka hin dandeenne ni hubanna; Rakkoolee kana furuuf karaan jiru michoota waliin walitti dhiyeennaan hojjechuu qofa jedhan.