Raashiyaan Tiraamp mallattoo ‘miira to’achuu dhabuutu’ irraa mul’ata jette. OFM:Caamsaa.27/2025-Raashiyaan Donaaldi Tiraamp mallattoo ‘miira to’achuu dhabuutu’ irraa mul’ata jechuun himatte. Haleellaa qilleensaa cimaa Mooskoon Yukireen irratti raawwatte hordofee erga Doonaald Tiraamp Vilaadmiir Puutiinin ”maraataadha” jechuun waamaniin booda Kiremliin Tiraamp mallattoo ”miirasaa to’achuu dhabuutu,” irraa mul’ata jetteetti. Raashiyaan Yukireen keessatti diroonii fi misaa’ela 367 dhukaasuudhaan erga namoota 13 ajjeesteen booda, Tiraamp Puutiin ”wanti tokko muudateera” jechuun Dilbata darbe kan fuula miidiyaa hawaasaa ‘Truth’ irratti dubbatan. ”Guutummaatti maraateera,” jedhan Donaald Tiraamp. “Namoota hedduu ajjeeseera,” jedhan. Dubbi himaan Puutiin Dimitiri Peeskov yaadonni kunis kan, ”namoota dhimmicha keessa jiran hunda miiraan guutamuu jedhuun kan waliin wal-qabateedha” jedhan. Gama biraatiin ammoo, Chaansilarri Jarman, Firiedrik Meerz, michoonni Yukireen meeshaalee waraanaa dhiyeessaniif irratti daangaa fageennaa hunda kaasuun isaanii jedhaniiru. Jarman misaa’eela Taawuras jedhamu Yukireeniif kenniteetti gabaasni jedhu dhagahamaa jira. Haleellaan Raashiyaan halkan Sambataa Yukireen irratti raawwattees haleellaa erga waraanichi eegalamee as isa cimaadha jedhameera. Humni qilleensaa Yukireenis haleellaa diroonii isa cimaa jedheera.