Luwiis Diiyaaz gara Muunikitti jijjiirraa isaa xummuree jira.
OFM:Adoolessa.30/2025-Kilabiin Jarman Baayermuuniik Luwiis Diiyaaziin Liivarpuul irraa mallatteessisuu beeysise.
Shaampiyoononni Bundesliigaa jijjiirraa taphataa lammii Kolombiyaa kanaaf Paawundii miiliyoona 65.5 kaffaleera.
Taphataan umrii 28 kun Muuniik waliin waliigaltee waggaa afurii mallatteesse.
Bara 2022 Poortoo irraa gara Liivarpuulitti kan makame Diiyaaz, turtii isaa kilabichaatiin Piriimiyer Liigii Ingilaand tokko dabalatee Waancaawwan FA fi Kaaraabaawaa injifateera.
Luwiis Diiyaaz kilabii guddicha addunyaa kanaatti makamuun akka isa gammachiise gabaafameera.