Godaantonni Lammileen Itiyoophiyaa Torba Galaana Yaman irratti Beelaa fi dheebuudhaan du’an.
OFM:Hagayya 07/2025-Somaaliyaa’rraa gara Yaman kan imalaa turan godaantonni lammiileen Itiyoophiyaa torba beelaa fi dheebuutiin du’uu Dhaabbata Mootummoota Gamtoomaniitti Jaarmayaan Dhimma Godaantotaa, (IOM) beeysiseera.
Dhaabbatichi, daa’imman 82 dabalatee lammilee Itoophiyaa 250 fe’attee kan turte bidiruun godaantotaa, Kiibxata darbe kallattii Kibba Yaman, Arqaa bakka jedhamu gahuusii ibse.
Dhaabbanni Mootummoota Gamtoomanii ibsa Guyyaa kaleessaa baaseen, hojjettoonni isaa godaantota handaaraa Somaaliyaa Bosaasoo ka’anii bidiruudhaan imala ulfaataa guyyoota torbaaf ture irraa hafan baraaruu dhaabbanni oduu Aanaadooluu gabaaseera.
Jalqaba bara 2025 kaasees, kallattii galaana bahaa kanarra kan imalaa turan godaantonni 350 ol du’anii eessa buuteen isaanii akka hin beekamne ibsameera.
Jaarmayaan dhimma Godaantotaa (IOM) dilbata darbes haaluma wal-fakkaatuun godaantonni Itiyoophiyaa Jibuutii gara Yaman bidiruun imalaa turan 68 du’uun ka gabaafame yoo ta’u, isaan waliin kan imalaa turan lammileen Itiyoophiyaa 74 ammas eessa buuteen isaanii haga yoonaa akka hin beekamne ibseera.