Taphataan buunyaa dorgommii irratti morkataa isaatiin mataarra dhahame du’e.
OFM:Hagayya.11/2025-Hiroomaasaa Uraakaa dargaggeessa ganna 28 yoo tahu, Hagayya 2 Tookiyootti osoo dorgommii irra jiruu morkataa isaatiin mataarra dhahame.
Miidhaa sammuu isaarra gaheen lubbuun isaa darbite. Morkataa isaa Yoojii Saayito jedhamutu isa rukute.
Taphataan buunyaa biraa Shigetooshii Kotarii jedhamu Jimaata darbe miidhaa sammuu dorgommii irratti isa muudateen lubbuun isaa darbe.
Waldaan Buunyaa Addunyaa (WBO) gadda itti dhagahme ibseera. ”Gaddi kun du’aatii Shigootishii hordofee waan nu muudateedha, maatiif, hiriyyootaafi jaalattoota isaaniif jajjabina hawwina” jedhe.
Bara 2025 keessa taphataa buunyaa sadaffaatu du’e. Lammii Ayerlaand Joon Kuunii ji’a Guraandhalaa keessa miidhaa wal fakkaataa dorgommii Beelfaasti irratti isa muudateen lubbuun isaa darbe.