Jiraattota hidha Laga daadhii fi Dirree gara gadiitti argamaniif akeekkachiisni kenname.
OFM:Hagayya.11/2025-Abbaa Taayitaa Bishaanii fi Dhangala’aa “Jiraattonni hidhaalee gadi jiran miidhaan akka hin geenne of eeggannoo akka godhan gaafanna” jedhe.
Abbaan Taayitaa Bishaanii fi Dhangala’aa Bulchiinsa Magaalaa Finfinnee jiraattota hidha Laga daadhii fi Dirree gadiitti jiraattota hundaaf ergaa of eeggannoo dabarsee jira.
Abbaan taayitichaa dhufaatii yeroo gannaa hordofuun bishaan hidhichaa dabaluu isaa beeysiseera.
Sadarkaan bishaanii dabaluu irraa kan ka’e Hagayya 5/2017 irraa eegalee hanga dhuma gannaatti biyyee fi bishaan garmalee hidhaalee irraa buqqisuuf hojiin akka hojjetamu ibseera.
Dhaabbatichi akeekkachiisa baaseen, “jiraattonni fi dhaabbileen hidhaalee gadi jiran of eeggannoo gochuun namoota, bineeldota manaa fi qabeenna irratti miidhaa akka hin geessisne gaafanna.” jedheera.