Moskoon warri Awurooppaa nagaan akka hin dhufneef yaalii hojjetaa jiru jette.
OFM:Hagayya.21/2025-Ergamaan addaa pireezidaantii Raashiyaa Hoggantoonni Awurooppaa marii nagaa mancaasuuf yaaluun hariiroon Raashiyaa fi Ameerikaa gara biyya isaanii duraaniitti akka hin deebine himataniiru.
Ergamaan addaa pireezidaantii Raashiyaa biyyoota alaa waliin tumsa diinagdee fi itti gaafatamaa Fandii Invastimantii Kallatti Raashiyaa Kirill Dimitriev hoggantoonni Awurooppaa marii nagaa mancaasuuf yaaluun hariiroon Raashiyaa fi Ameerikaa gara biyya isaanii duraaniitti akka hin deebine himataniiru.
Dmitriev ibsa Kibxata darbe miidiyaa hawaasaa irratti kenneen, “Hoggantoonni Awurooppaa, Raashiyaa waan hin amanneef, marii nagaa balleessuuf, hariiroo Raashiyaa fi Ameerikaa miidhuuf karaa hundaan yaalaa jiru,” jedhan.
Hoggantoonni Awurooppaa fi pireezidaantiin Yukireen Volodimir Zelensky torban darbe Waayit Haawusitti prezidaantii Ameerikaa Doonaald Tiraamp waliin kan wal argan yoo ta’u, marii gita isaanii Raashiyaa Vilaadmiir Puutiin waliin Alaskaatti taasisaniin booda.
Hoggantoonni Awurooppaa Tiraamp waliin wal arganii fi Moskoon himatamte keessaa muummicha ministeeraa Biriteen Keir Starmer, Pireezidaantii Faransaay Imaanu’eel Maakroon, Muummicha Ministeeraa Xaaliyaanii Giorgi Meloni, Pireezidaantii Komishinii Awurooppaa Ursulaa von der Leyen, Chaansilara Jarman Friedrich Merz, Pireezidaantii Finlaand Aleeksaandar Stubbs fi barreessaa ol’aanaa NATO Mark Rutte ni argamu.
Tiraamp akkaawuntii miidiyaa hawaasaa isaanii Truth Social irratti akka jedhanitti, pireezidaantii Puutiin bilbilee, pireezidaantii Yukireen fi hoggantoota Awurooppaa waliin marii taasisaniin booda, adeemsa nagaa irratti mari’achuuf walgahii pireezidaantii Puutiinii fi Pireezidaantii Zelensky jidduutti taasifamuuf qophaa’aa akka jiran dubbataniiru.
Gaazexaan Moscow Times akka gabaasetti hoggantoonni lamaan marii sa’aatii sadiif ture kan waraana Yukireen xummuruuf dhihaate irratti guddina agarsiisan, garuu hatattamaan dhukaasa dhaabuu hin labsine.