Piriimiyeer Liigiin Ingiliz tıbba jijjiirraa ganna kanaan maallaqni baase riikardii haaraa ta’e.
OFM:Hagayya.21/2025-Piriimiyeer Liigiin Ingiliz tıbba jijjiirraa ganna kanaan maallaqni baase riikardii haaraa ta’ee galmaa’e.
Bara dorgommii darbe shaampiyoonshiippii injifatee liigichatti kan deebi’e Liids ganna kana taphataa saglaffaa paawundii miliyoona 18n mallatteesifachuu hordofee riikardii maallaqa jijjiirraa taphattootaa haaraan galmaahe.
Liids jifataa AC Miilaan Nooh Okafoor mallatteesifateera.
Akka ragaan FootballTransfers.com agarsiisutti hanga ammaatti kilaboonni liigichaa bittaa taphattootaaf paawundii biliyoona 2.37 baasaniiru.
Kanaaf kan gumaache ammoo kilabootni jaha ta’an gatii riikardii kilaba isaanii ta’een taphattoota bitachuu isaaniiti.
Kilabootni kunis Liiverpuul, Barnileey, Bireentifoord, Nootingihaam Foorestiifi Sandarlaand fa’a.
Yeroon jijjiirraa taphattootaa ganna kanaa xummuramuuf ammallee guyyoonni 10 ni hafu. Kan jechuun ammoo gatiin jijjiirraa bara kanaa kanaa oliyyuu ta’uuf jira jechuudha.