Manni maree dhimmoota Islaamummaa Itiyoophiyaa Namoonni haasawa jibbiinsaa Miidiyaa irra qoodan Seeraaf dhiyaatuu akka qaban gaafate.
OFM:Sadaasa.11/2025-Mootummaan Namoota haasawa jibbiinsaa Miidiyaa hawaasaa irra qooduun walitti bu’iinsa Amantii, Uummataa uuman irratti ol’aantummaa seeraa akka fudhatu, Manni maree dhimmoota Islaamummaa Itiyoophiyaa gaafateera.
Manni Maree Ol’aanaa Dhimma Islaamaa ibsa Guyyaa kaleessaa baaseen, mootummaan namoota haasawa jibbiinsaa miidiyaa hawaasaa irratti qooduun walitti bu’iinsa uumuu keessatti hirmaatan seeraan itti gaafatamummaa akka fudhatan godhuu qaba jedhe.
Manni Maree Ol’aanaan Manni Maree Dhaabbilee Amantaas dhimmichi caalaatti kanaa ol hammaatee osoo hin jedhin furmaata barbaaduuf murtee hatattamaa akka dabarsu gaafate.
Haasaan jibbiinsaa tibbana namni dhuunfaa tokko miidiyaa hawaasaa irratti taasisaa ture ajandaa fi ilaalcha duubaa akka qabu kan ibse Manni Maree Ol’aanaa kun, taatee kun dheekkamsa ummataa osoo hin kaasin dura warri dhimma biyyaa fi ummataa ilaalla jedhanis gocha kana akka balaaleffatan waamicha dhiyeessee jira.