Minisootaatti Balaa Xiyyaaraa muudate irraa namni lubbuun hafe hin jiru jedhame.
OFM:Sadaasa.30/2025-Ameerikaatti xiyyaarri xiqqaa Iowaa irraa gara Minisootaatti balali’aa ture tokko erga mana naannoo magaalaa jiru keessatti kufee ibiddi itti qabatee gubachuu qondaaltonni Assamabata kaleessaa himaniiru.
Xiyyaarri kun akka biyyaatti naannoo sa’aatii 1220 (1720 BST) erga kaateen booda Mineesotaa naannoo mana jireennaa Paarkii Biruukliin jedhamu keessatti kufusaa Bulchiinsi Aviyeeshinii Federaalaa beeysise.
Qorattoonni xiyyaaricha keessa namoonni meeqa akka turan ifa miti kan jedhan yoo ta’u, garuu hoogganaan garee balaa ibiddaa Paarkii Biruukiliin, Shaawn Konwaay imaltoota keessaa namni lubbuun hafe hin jiru jedhaniiru.
Bakka xiyyaarichi itti kufetti namni mana keessa jiru ajjeefamuu ammoo hin gabaafamne.
Boordiin Nageenna Geejjibaa Biyyaalessaa sababaa balaa xiyyaara kanaa qorachuuf akka yaadame ibsuun, hanga ammaatti hin beekamne jedhan.
Ejensichi gara bakka balaan kun itti dhaqqabe Minnesotaatti imaluuf daandii irra jiraachuu kan hime yoo ta’u, Dilbata har’aa akka gahan eegama.
“Qorattoonni tokkicha bakka sanatti erga argamanii booda adeemsa bakka sana galmeessuu fi xiyyaaricha qorachuu jalqabu. Sana booda xiyyaarichi qorannoo dabalataa gaggeessuuf gara bakka nageenna qabutti ni deebifama,” jechuun ibsi dhaabbatichi baase beeysiseera.
Viidiyoonni miidiyaa hawaasaa irratti qoodamee akka agarsiisutti, xiyyaarichi erga mana jireennaa erga kufee ibiddaan liqifamfameen booda miseensonni kutaa ibiddaa naannawa sanii wayita ibidda dhaamsuuf yaalan ni mul’ata.
Hogganichi, Konweeyiin yeroo hojjattoonni balaa ibiddaa bakkicha dhaqqabanitti ibiddi gara ”ibidda caasaa guutuu hirmaachisetti” guddateera jedhan.
Paarkiin Biruukiliin, bakki xiyyaarrichi itti kufe, naannoo magaalaa Miniyaapoolis keessatti argama. Magaalattiin namoota 82,000 kan gara kaabaatti gara maayilii 11 fagaattee argamu keessa jiraatan qabdi.
Bulchaan Minisootaa Tiim Waaltz gareen isaanii ”qondaaltota naannoo bakka balaan kun itti muudate Paarkii Bruukliin keessatti argaman waliin wal qunnamaa jiraachuufi haalicha itti dhiyeennaan hordofaa jirra” jedhan.
Itti dabaluudhaanis, “namoota jalqabaa bilbila kanaaf deebii kennaniif galata guddaa qabna,” jechuun ibsan.
Taatee kunis kan muudate balaa xiyyaaraa hedduu dhiheenna kana muudateefi erga taateen kunis pireezidaant Doonaald Tiraamp kaabinee isaanii hojjattoota dhaabbilee federaalaa hir’isanii kakaaseen booda, xiyyeeffannoo ummata Ameerikaa hawwateen booda.
Hojjettoonni nageenna qilleensaa qarqaaruuf itti gaafatamummaa qaban dhibbaan lakkaa’aman hojiirraa ari’amuu isaanii ‘Asoosheetid Prees’tu gabaase.