Barataan Yunivarsiitii Donaald Tiraamp irratti xiyyeeffate US gadhiise bahe.
OFM:Muddee.01/2025-Sababaa sochii mormii Israa’el irratti raawwatameen Barataan Yunivarsiitii Korneel waggaa eebbaa irra ture tokko erga viizaan Ameerikaa isaa jalaa haqameen booda biyyaa ari’amuurra Ameerikaa gadhiisuu filate.
Akka Miidiyaaleen gabaasaa jiranitti, Barataan Lammii biyyoota lamaa; UK fi Gaambiyaa ta’an, Momodou Taal bara darbe yeroo waraanni Israa’elii fi Gaazaa itti fufetti sochii mormii mooraa yunivarsiitii keessatti taasisaniin viizaan barattootaa, isaanii akka haqamu ta’eera.
Mr Taal kanaan dura Ameerikaa keessaa akka hin ari’amne dhoorguuf himannaa banee kan ture yoo ta’u, garuu Wiixata kaleessaa toora X isaarratti akka maxxansetti “bilisaa fi mataa kiyya ol qabadhee” biyyaa bahuu filachuu isaa ibsuutu gabaafame.
Kunis kan ta’e erga manni murtii gaaffii akka US hin ari’amneefi akka turuuf dhiheesse dideen booda ture.
Bulchiinsi Tiraamp barattoota idil-addunyaa mormii Israa’el irratti mooraa yunivarsiitii keessatti sochii taasisaa turan irratti tarkaanfii fudhataa jira