Saawud Arabiyaan dhugaatii alkoolii Zoonoota addaa keessatti akka gurguramu hayyamte. OFM:Caamsaa.28/2025-Saawud Arabiyaan Turistoota Musliimaa hin taaneef tajaajiloota kan akka alkoolii Zoonoota addaa keessatti akka gurguramu hayyamteetti. Zoononni kunneenis Hoteelota qananiin guutaman, Riizoortii, fi naannoo turistii kanneen akka NEOM fi naannoo pirojektii Galaana Diimaa keessatti kan argaman ta’a. Karoorri kun qaama Mul’ata Sa’uudii Arabiyaa 2030 yoo ta’u, taateewwan gurguddoo akka Ekspoo 2030 fi Waancaa Addunyaa 2034 irratti turizimii guddisuu fi daawwattoota idil-addunyaa hedduu simachuuf kan kaayyeffate yoo ta’u, tajaajiloonni kunneen zoonii addaa qofa keessatti kan hayyamamu ta’a. Namoonni zoonii addaa keessaa waan tokkollee baasuu ykn manneen daldalaa idilee irraa bitachuu hin danda’an. Seeronni biyyattii biroo hafan akkuma turanitti itti fufu jedhameera.