Netaaniyaahuun karoora dhukaasa dhaabuu haaraa Witkoff fudhachuu isaanii Chaanaaliin Israa’el 12 gabaaseera.
OFM:Caamsaa.30/2025-Yaadni haaraan kun yeroodhaaf dhukaasa dhaabuun kun dhukaasa dhaabbataa akka dhaabu wabii ifa ta’e Ameerikaa kan hin hammanne yoo ta’u, mariin guyyoota 60 ol yoo itti fufe dhukaasa dhaabuun akka itti fufu wabii hin ta’u jechuun marsariitiin oduu ‘Walla’ qondaala ol’aanaa Israa’el wabeeffachuun gabaaseera.
Haalli yaada dhukaasa dhaabuu haaraa Witkoff, kan Drop Site News argate, wabii dhukaasa dhaabuu dhaabbataa kan hin daballee fi yeroodhaaf guyyoota 60f kan turu ta’uu agarsiisa.
Kana malees, guyyoota Israa’el hidhamtoota hiiktu dabalatee, yeroo dhukaasa dhaabuutti guyyaatti sa’aatii 12f sochiin waraanaa fi basaasaa ni hayyamama.
Dhaabbanni basaasaa Israa’el karoorri kun Israa’el irratti waan loogeef Hamaas yaada kana akka didu madaaleera.
Hamaas yaada haaraa Wittkoff dhiheesse irratti hanga ammaatti ejjennoo dhumaa kan hin kennine yoo ta’u, hoggantoonni sochii kanaa ammallee sanada kana qorataa jiru.