Burukiinaa Faasoo fi Chaayinaan waliigalteerra gahan.
OFM:Caamsaa.31/2025-Burukiinaa Faasoo fi Chaayinaan yakka ittisuu fi jijjiirama dijitaalaa guddisuuf kaameeraa hordoffii 900 guutuu biyyattiitti bobbaasuuf waliigalaniiru, kunis qaama jalqabbii “Smart Burukina” nageenna hawaasaa eeguuf taasifamuudha.
Waliigaltichi ijaarsa neetworkii faayibara optikaalaa kiiloo meetira 800 dheeratus kan hammateedha.
Neetworkiin kun magaalota gurguddoo kan walqunnamsiisu, bu’uuraalee dijitaalaa biyyattii kan cimsu yoo ta’u, Burukiinaa Faasoo keessatti wiirtuu magaalaa ammayyaa, caalaatti walitti hidhamiinsa qabu uumuuf karaa ni saaqa jedhameera.
Pirojektiin “Smart Burukina” imala jijjiirama dijitaalaa biyyoolessaa biyya Afrikaa Dhihaa keessatti tarkaanfii guddaa kan agarsiisu yoo ta’u, kalaqa, walitti hidhamiinsa, fi nageennaaf kutannoo cimaa akka agarsiisu hima.