Hojjetoonnii Tajaajila Odeeffannoo fi Nageennaa Biyyaalessaa Lama Namoota 14 Qarshii Baankii Daldalaa hatuuf yaalii godhuun Shakkaman Waliin himataman.
OFM:Adoolessa.23/2025-Hojjettoonni Tajaajila Odeeffannoo fi Nageenna Biyyaalessaa Mootummaa Itiyoophiyaa lama namoota 14 qarshii Baankii Daldalaa Itiyoophiyaa Biiliyoona 7.7 hatuuf yaalii godhuun shakkaman waliin himatni irratti banameera.
Shakkamtoonni hojjettoota Baankii Daldalaa Itiyoophiyaa, kan mootummaa fi namoota dhuunfaa ta’uun isaanii himame kunneen, waliin ta’anii, sirna eyyama hidhata hojii baankii keessaan qofa raawwatamu (internal system access permissions ) fayyadamuun qarshii biiliyoonotaan tilmaaman kana herreegawwan baankii sadii keessaa baasuun, gara herreegawwan baankii kudhanii ol ta’u jedhamanitti bifa waliin dhahuuf tolutti raawwachuun himata kana keessatti eerame.
Namootni kunneenis, yakka kana karaa sirna eyyama hidhata hojii baankii keessaan qofa raawwatamu, Baankii Daldalaa Itiyoophiyaa lixa Oromiyaatti argamu kan Damee Hoorroorraa ta’uus himatichi ibseera.
Galmeen Dhaddacha Yakkaa Mana Murtii Ol’aanaa Lidataa shakkamtoonni himanni irratti dhiyaate kunneen, sochii maallaqa baasuu hin eyyamamnee fi daddabarsa maallaqa ummataa dhoorgaa ta’e, mala sirna eyyama hidhata hojii baankii keessaan qofa raawwatamu seeraan ala argame kanaan raawwatamuu agarsiisa.
Himanni kunis erga Poolisiin Federaalaa Kutaa Qorannoo Yakkaa hordoffii taasisuun booda kan dhiyaateedha.